اسمها DrSama Eltuhamy
حكاية سما انها لما اتولدت عرفوا البنت دى عندها مشكلة فى صمام القلب ..
ومرت الأيام كبرت البنت وذاكرت ودخلت طب بشرى زى ما كانت بتتمنى
واتعرفت على أميرها ^^
ومرت الأيام واكتشفوا انها عندنا كانسر فى الدم *أخطر أنواع الكانسر*
كتبت بوست ع الفيس ومن ضمن الناس عملت هاشتاج لخطيبها تقوله ربنا يعوضك خير ..
وبدأت الكيماوى اللعين والرموش والشعر والحواجب تقع
راح خطيبها حلق شعره وبقى زيها عشان يبقوا شبه بعض فـ كل حاجه ^^
زعلت منه وقالتله انت كده جرحتنى ..
قالها دا انا عملت كده عشان بحبك
من فتره لقيتها كاتبه كومنت فى جروب:
"هو مفيش حاجه تتخن !
طب هو مفيش حاجه تطلع الشعر !
طب مفيش حاجه تموّت السرطان !!"
شالت الرَّحِم يعنى مش هتبقى أم ..
راحت قلعت الدبله وادتها لخطيبها
بس راح خطيبها كتبلها شعر تتجوزينى!
مش عايز غيرك فى الحياه اوعى تسبينى
قالتله هفكر
كتب كتابها المفروض يكون بكره 3/9
بس ربنا ناداها لتبقى جواره فى الجنه 1/9
#عروسة_تزف_فى_الجنة_إلى_أميرها
ربنا يرحمها ويصبر أهلها وخطيبها وأصدقائها وكل اللى بيحبوها ..
قولوا الحمد لله الذى عافنا مما ابتلى به كثير من خلقه وادعولها بالرحمه
ا
ربنا يرحمك يارب ويجعل مثواكى الجنه
حقيقى انا عينى دمعت من اللى شوفته على صفحتك
سبحان الله على كمية الصبر اللى كان عندك
سبحان الله على صاحبتك واللى بتعمله معاكى
سبحان الله على خطيبك ووقفته جنبك حتى بعد ما عرفتى موضوع التعب وازاى حلق شعره علشان كتب كتابكم
ربنا يرحمك يارب ويقوى خطيبك وصاحبتك واهلك على فراقك ويجعلك حوريه من حوريات الجنه
#الحمد_لله_الذى_لا_يحمد_على_مكروه_سواه
</script>
